y2h1


فــــــــــــــريــــــــــق الــــــــــــغــــــــــــــــــلابــــــــــــــــــه زائر
 
الرئيسيةبواباتي الخاصهمكتبة الصوراليوميةس .و .جبحـثالتسجيلدخول

شاطر | 
 

 الحمد لله تجربتي خلصت من السواد للركبه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الحنونه

avatar

عدد الرسائل : 181
نقاط : 3498
السٌّمعَة : 0
تاريخ التسجيل : 14/03/2009

مُساهمةموضوع: الحمد لله تجربتي خلصت من السواد للركبه   الأحد مارس 15, 2009 5:37 pm

السلام عليكم
انا بقاالى سنة ونصف جربت كل انواع الطرق والكريمات عشان اتخلص من الركب وسوداها يعنى جربت ديبروساليك وكارباميد وبانثينول و الليمون و الحمام المغربى و جليوسليد وخل التفاح والتقشير والصنفرة وفازلين وحاحات تانية كتيرة

فى الاخر الحمد لله لقيت الحل واكتشفت انى بعمل حاجات غلط كانت بتزود السواد
اول حاجة لازم تمنعى اى احتكاك مباشر بين ركبتك والارض يعنى بلاش تقعدى على الارض وانتى ساندة على ركبتك امنعيها تمامااااااااااا

لما تصلى حطى سجادة صلاة واتنيها شوية عشان تبقى زى حائل بينك وبين الارض فلما تسجدى ركبتك مش تحتك بالارض

تانى حاجة الترطيب والله مهم جدا واهم من اى حاجة عشان لو مفيش ترطيب ركبتك حتجف وتبقى ناشفة يبقى طبيعى حتسود .. تخيلى انتى ارض من غير مياه تخيلى حتبقى عاملة ازاى ؟؟؟

رطبيها عالطول وانتى وراحتك اى كريم تحبيه بس عن تجربتى كان افضلهم جليوسليد الاحمر روعة

نيجى بقى للتخلص من السواد نفسه انا لقيت ان احسن حاجة انك تشيلى الطبقة السواد اللى فيها كل مشاكل وبردو كنت خايفة من اى تقشير والكلام ده ولما استخدمت ديبروساليك جربته 10 ايام وصليت استخارة وخوفت منه فسيبته .. بعدها روحت الصيدليه عند دكتور صاحب والدى وسالته على كريمات كتيرة زى ديبروساليك وغيره قالى فيه كورتيزون

فى الاخر قولتله عايزة حاجة لسواد الركبة من غير ما تعملى اى اثار جانبية وتكون عملية عطانى مرهم اسمه ليكوسيد r لقيته ب 4.50 جنيه اسشتغربت انه رخيص وبردو صليت استخارة واستخدمته وكمان قبلها بنت صاحبتى اخوها دكتور قالتلى عليه وانها استخدمته قبل فرحا وكان تحفة

المهم ان المرهم مكتوب فيه ان استخدامه لا يزيد عن شهرين ومكتوب فيه كل الارشادات بينفع للكلف والسواد الناتج عن الشمس وازالة الصبغات الملونة وممنوع تنزلى بيه فى الشمس لازم صن بلوك ده طبعا لو للوجه ...

فيه مركب هيدركينون 3.0 جم اللى بيساعد على تقشير وحمض الريتونيك 0.025 جم المركبين بيقلوا زيادة تلون الجلد وجميع الارشادت مكتوبة فيه

استخدمته لمدة 3 اسابيع وظهرت النتيجة ودلوقتى عدى شهر ونص والحمد لله النتيجة مرضية جدا وصلت اللى كان نفسى فيه ودلوقتى برطب بجليوسليد وبمنع اى احتكاك وبصلى وانا حاطة سجادة الصلاة وهى متنية وان شاء الله احافظ عليها

انا عارفة انك تعبتم زى من كتر الخلطات بس فعلا ده كان حلى اللى الحمد لله ربنا اكرمنى بيه بس عارفين انا بعد ما تخلصت من السواد حسيت بثقة اكتر فى نفسى وكمان بجد خلوا نيتم خالصة ان ده يبقى من اجل ارضاء زوجك بجد ربنا بيوفق لانك عايزة تعملى حاجة حلوة تفرحى زوجك وتخليه مبسوط انا عملتها بالنية ديه والحمد لله ربنا اكرمنى

طولت عليكم طبعا ولو تحبوا اى سؤال انا تحت امركم ربنا يوفقكم كلكم ويسعدكم مع ازواجكم وتبقوا اجمل من اى بنت فى الدنيا فى عيون ازواجكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الحمد لله تجربتي خلصت من السواد للركبه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
y2h1 :: مول البنات الغلابه :: ورشه شغل البنات-
انتقل الى: