ارز المندي بالصور

اليوم جبت لكم اروع طريقه للمندي او المندي
على اصوله اغلب من ذاقه ماصدق انو شغل بيت

بسم الله نبدأ:

اول شي اسلقي الدجاجه في
(خمس حبات هيل وعودين قرفه ومكعب ماجي)

انا سلقتها بالضغط تقدري تستخدمي القدر العادي

وهنا قبل اقفل عليها

وهنا بعد مااستوت

صفي مرقة الدجاج واسلقي فيها
الرز واذا احتاج ملح زيدي

وهنا الرز بعد مااستوى

خذي شوي من الرز وحطيله لون
وخليه على جنب لوقت التحضير

حطي الدجاج بالصينيه

واعملي خلطة الدجاج وهيا عبارة عن:

((ملعقتين صلصه وملعقتين زيت زيتون
ولون مذاب في ملعقتين ماء او ممكن
تستخدمي منقوع الزعفران ))
تكفي لحبة دجاجه

دخليها الفرن 10 دقايق

والصور توضح كيف صار

حطي الدجاج عالرز

وحطي في وسطهم صحن فيه
زيت وحطي عليه جمرة مولعه

واكتميه زييييين لمدة 10 دقايق لما تنطفي الجمرة

واعملي الحمسه

عبارة عن (حبه بصله مقطعه شرايح
وحبه جزرة مبشورة وملعقه صغيره قرفه مطحونه
وهيل مطحون وربع مكعب ماجي)
الالتزام بالبهارات لازم

حطي البصل الجزر في الطاوة
مع شوية زيت واذا ذبل اضيفي
القرفه والهيل والماجي

لما تصير ناضجه طفي عليها

وقدمييييييه

مع البيض المسلوق وشرائح الليمون والفلفل