y2h1
y2h1
y2h1
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


فــــــــــــــريــــــــــق الــــــــــــغــــــــــــــــــلابــــــــــــــــــه زائر
 
الرئيسيةبواباتي الخاصهأحدث الصورالتسجيلدخول

 

 اسعافات لكل الغلابه لوقف نزيف الدم

اذهب الى الأسفل 
2 مشترك
كاتب الموضوعرسالة
y3h1998
Admin
y3h1998


عدد الرسائل : 1265
نقاط : 7253
السٌّمعَة : 0
تاريخ التسجيل : 19/01/2008

اسعافات لكل الغلابه لوقف نزيف الدم Empty
مُساهمةموضوع: اسعافات لكل الغلابه لوقف نزيف الدم   اسعافات لكل الغلابه لوقف نزيف الدم I_icon_minitimeالأحد يونيو 22, 2008 1:01 pm

انواع النزيف Bleeding

1- نزيف خارجى External bleeding وده طبعا بيبقى ملحوظ جدا وبنقدر نشوفه وبيصاحب بخروج دم

2- نزيف داخلى Internal bleeding وده مش بنقدر نشوفه لانه نزيف داخل الجسم لكن ليه علامات بنساعدنا اننا نعرف ان فى نزيف داخلى هتكلم عنها فى الموضوع ان شاء الله



<BLOCKQUOTE>اولا:: الاسعافات الاولية للنزيف الخارجى</BLOCKQUOTE>1- لازم تحمى نفسك كويس جدا قبل ما تلمس المصاب
يعنى لازم تلبس جوانتى او لو مش متوفر جوانتى ممكن تلبس كيس بلاسيتك ويفضل لو كانوا 2 جوانتى او كيسين بلاستيك فوق بعض علشان لو واحد اتقطع يبقى التانى موجود ويحميك من العدوى من دم المصاب

2- اكشف مكان الجرح اللى مسبب للنزيف وبشيل اى اكسسوارات او ساعة مثلا

3- اتحكم فى النزيف او اوقفه بـ 3 حاجات :
ـــ الف رباط نظيف على مكان النزيف و اضغط مباشرة على مكان الجرح

طيب لو النزيف موقفش
يبقى هستخدم الحاجة التانية
ـــ هرفع الطرف اللى فيه النزيف لفوق طبعا وانا لسة ضاغطة على مكان النزيف مش هشيل ايدى
يعنى لو مثلا النزيف فى ايده هرفع ايده لفوق لو فى رجله هرفع رجله لفوق او ارفعه على رجلى لو صعب انى اثبته لفوق

طيب لو النزيف لسة موقفش
يبقى مع الحاجتين اللى فاتوا هستخدم الحاجة التالتة
ـــ هضغط على الشريان اللى بيوصل الدم للمنطقة اللى فيها النزيف Pressure points

يعنى لو النزيف فى الايد مثلا بيقى هضغط فى فوق كف الايد فى النص بالظبط
لو فى الرجل بيقى هضغط تحت منطقة الحوض مباشرة
يحدد الموضوع ده بحاجتين
بشوف اقرب شريان بيوصل الدم للمكان اللى فيه نزيف وبيضغط عليه فوق منطقة النزيف والصورة دى هتساعدكم فى تحديد اماكن الضغط بالظبط

الصورة بتوضح الاماكن المسموح انى اضغط فيها فى حالات النزيف
والنقط الزرقة اللى فى الصورة بتوضح المكان بالظبط اللى هضغط فيه على حسب طبعا مكان النزيف

اسعافات لكل الغلابه لوقف نزيف الدم 222222va7







لما النزيف يقف يبقى هقلل الضغط تدريجيا وبعدين اشيل ايدى والف مكان النزيف برباط نظيف بس طبعا بدون ما اضغط او الف الرباط جامد

لو النزيف رجع تانى يبقى هضغط على الشريان تانى

بعد كده بخلى المصاب ينام ورجله مرفوعة لفوق علشان اخلى الدم يوصل للمخ علشام ميحصلش صدمة shock او اغماء واحاول انى محركش مكان النزيف لحد ما يتوقف تماما

لو النزيف كان جامد ده ممكن يعرض المصاب لاضطرابات فى التنفس او النبض يعنى هشوف تنفسه واشوف نبضه ولو فى مشكلة هبدأ CPR اللى اتكلمنا عليها فى اول موضوع

حاجات مهمة لازم اراعيها ::

1- مينفعش المس مكان النزيف او الجرح مباشرة بأيدى لازم احمى نفسى لان ده بيعرضنى للعدوى وممكن يعرض المصاب للعدوى لو فى جرح فى ايدى

2- مينفعش اضغط على اى جرح فى العين او الراس

3- مينفعش اضغط او احرك مكان فيه كسر وهعمل موضوع ان شاء الله على الاسعافات الاولية للكسور

4- مينفعش خالص انى اضغط على مكان فى جسم غريب زى سكينة مثلا
بالظبط اللى اقدر اعمله انى اضغط حولين الجسم الغريب ده انى بعمل رباط على شكل دايرة واحطه حولين الجسم الغريب والفه على الجسم علشان اثبته
لكن محاولش خالص انى احرك او اشيل الجسم الغريب ده لان ده بيتم بواسطة جراح بطريقة معينة
وهتكلم باستفاضة عن الاسعافات الاولية للاجسام الغريبة فى العين والرأس و وباقى اجزاء الجسم فى موضوع لوحدهم ان شاء الله

5- ميبنفعش اضغط جامد اوى بالرباط على مكان النزيف لكن بضغط بطريقة معقولة مش جامد ومش ضغط خفيف

6- غلطة شائعة كلنا بنقع فيها
لما الرباط او القطنة او المنديل يتملى بالدم طبعا عادة بنشيله وبنحط واحد تانى وده غلط خالص لان بيتكون عوامل تجلط بين الرباط والجلد بتساعد على توقف النزيف فلما بتشيله بتشيل معاه عوامل التجلط وبتحط واحد جديد وبالتالى الجلد لسة هيكون عوامل تجلط من جديد
لكن الصح اننا نحط رباط تانى فوقه من غير ما نشيله




[



ثانيا النزيف الداخلى

وده بيبقى خطير جدا واهم حاجة نقل المصاب للمستشفى فورا وده ممكن يحصل نتيجة الكسور او اصابات فى الجمجمة او حوادث ممكن تؤدى الى اصابات فى اعضاء الجسم الداخلية او كسور فى القفص الصدرى

علامات النزيف الداخلى::

1- جروح فى الجمجمة او البطن او القفص الصدرى
2- خروج دم او سوائل مصاحبة بدم من الأذن او الانف
3- كحة مصاحبة بدم او ترجيع دم من الفم
4- نزيف من الاعضاء التناسلية
5- نبض غير طبيعى وصعوبة فى التنفس
6- انخفاض درجة حرارة الجلد وبرودته مع عرق
7- الم فى البطن مع تشنج فى عضلات البطن
8- اغماء او هبوط ( وهنتكلم ان شاء الله عن الاغماء او الصدمة فى موضوع مخصص ليها)

الأسعافات الاولية للنزيف الداخلى ::

1- اطلب فورا الاسعاف
2- افحص التنفس والنبض ولو مفيش أبدا CPR
3- اخلى الضحية ينام ورجله مرفوعة علشان امنع الصدمة او الاغماء ولو فى مشاكل فى التنفس هخلى راسه وكتفه كمان موفوعين
4- اشيل اى ملابس ضيقة علشان متضغطش على جسمه
5- لو الضحية كان بيرجع اخلى راسه مايلة لجنب
[/b]




ثالثا: نزيف الأنف Nose bleeding or Epistaxis

العوامل اللى بتسبب نزيف الأنف:
1- السبب الشائع ارتفاع ضغط الدم hypertension
2- الانفلونزا او البرد cold and flu
3- حساسية الانف nasal allergy
4- بعض الادوية اللى بتؤدى الى نقص لزوجة الدم زى الأسبرين مثلا
5- التعرض لبعض المواد الكيميائية اللى بتسبب هيجان الغشاء المخاطى
6- اورام فى التجويف الانفى


الاسعافات الاولية لنزيف الانف ::

1- بخلى الضحية قاعد على كرسى وضهره مستقيم وراسه مايلة لتحت ناحية الارض
2- بشيل اى ملابس ضيقة حولين رقبته
3- بضغط على الأنف لمدة من 15 لـ 20 دقيقة
4- اخلى الضحية يتنفس من فمه
5- اشجع الضحية انه يطلع اى دم متراكم جوه فمه

لو النزيف استمر يبقى هعمل الأتى:
بكرر الضغط على الانف وبستخدم تلج ملفوف فى شاش يعنى مش بحط التلج مباشرة وبحطه على الخدود او الوجه او الانف ده وراسه مايلة لتحت زى ما هيا لمدة 10 دقايق

بعد اما النزيف بيرفع الضحية راسه فى وضعها العادى ويحاول انه مينزلهاش لتحت على الاقل لمدة 12 ساعة علشان الدم ميرجعش مكانه تانى وميبلعش الدم

لو نزيف الأنف حصل فى الاطفال
بتبع نفس الخطوات اللى فاتت لكن بلاش اسمح للطفل انه يلعب لمدة يومين على الاقل علشان ما ارجعش النزيف تانى ولو فى اى جسم غريب فى الانف بسيبه للطبيب هوا اللى يشيله بطريقة صح


غلطة معظمنا بيقع فيها::
لما بيحصل نزيف من الانف بخلى الضحية بنام وده غلط لانه بيزود ضغط الدم داخل الرأس وداخل الأوردة وبالتالى بيزود النزيف اكتر وبيصعب السيطرة عليه وممكن كمان يخلى الدم يرجع للحلق مما يؤدى الى الترجيع Vomiting
الرجوع الى أعلى الصفحة اذهب الى الأسفل
https://y2h1.yoo7.com
اميره الاحزان

اميره الاحزان


عدد الرسائل : 624
نقاط : 6225
السٌّمعَة : 0
تاريخ التسجيل : 27/04/2008

اسعافات لكل الغلابه لوقف نزيف الدم Empty
مُساهمةموضوع: رد: اسعافات لكل الغلابه لوقف نزيف الدم   اسعافات لكل الغلابه لوقف نزيف الدم I_icon_minitimeالأربعاء أكتوبر 08, 2008 12:08 am

تسلم ايدك يا دكتور جزار كنت فاكرك جزار بس طلعت كمان دكتور ههه
الرجوع الى أعلى الصفحة اذهب الى الأسفل
 
اسعافات لكل الغلابه لوقف نزيف الدم
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
y2h1 :: دكه الغلابه للاسره :: اوضه المشاكل الاسريه-
انتقل الى: